عايز مرارة مطاطية

عايز مرارة مطاطية
*****
مشيت في ساعة عصرية
اسكتشي وقلمي في ايديا
اتأملت في بلدي ديا
لقيت سرقة وفساد داخلية
وخطط ومناورات عسكرية
وشتيمة وسبابات علنية
وكمان معارك سياسية
وفضائح نواب برلمانية
وذبح الجماهير الأهلاوية
في مذبحة بورسعيدية
تقصيات حقائق هزلية
وحاجات كتير وهمية
وكتير بيدعي الوطنية
وربي أعلم بالنية
ومشاحنات وضغائن حزبية
وكمان انتخابات رئاسية
واعادة اخوانية فلية
الفلول شوية حرامية
سرقوا فلوس وأحلام مصرية
قتلوا شهيد في عز الضهرية
زوروا في أوراق رسمية
باعوا الغاز للدولة الصهوينية
باعوا الأرض بلاش يا عنيا
والاخوان كلهم وطنية
اسسوها لتحارب الدولة الانجليزية
حسن البنا شهيد قضية
وبموته اتغيرت الجماعة الاخوانية
وبقت جماعة مصلحجية
حاولوا قتل ناصر في المنشية
علشان حل الجماعة ديا
ودي أحداث واقعية
قالوا عن عزمي وعز رموز وطنية
أيدوا جمال لانتخابات رئاسية
غطيني وصوتي يا بهية
وقام شباب فل بمليونية
قضوا على الظلم والرجعية
فركب الاخوان على الأكتاف الشبابية
واستفادوا بالثورة الينايرية
نسجوا للناس أحلام وردية
بيقولوا ويخلفوا كل شوية
كانوا بيتفرجوا في العباسية
وقالوا النهضة ارادة شعبية
وتسقط تسقط الفلية
لك الله أيتها الجماهير المصرية
حسن وإسلام من شباب الكلية
قالوا كلمة حق أصلية
تسقط العالم الانتهازية
وتسقط المحاكم الصورية
ولازم لنا من وقفة فورية
ودعوة من قلوب نقية
خلصنا يارب من الحملات التدميرية
ولتبقى مصرنا أبية
وبشبابها هتكون قوية
ونفوق من الأفكار التخريبية
ونبدأ حياة كلها حرية
*****
تأليف : عوض أبوحكارة