كلية الزراعة دمنهور

كلية الزراعة


كلية الزراعة
كليتنا كليــــــة تمام ** ودايما خطاها لقدام
علشان احنا بنحبـــها جدا ** مفروض نشتغل مش ننام
أقسام كليتي ياما ** ودا شئ تمـــــام
وتعالوا نشوفوا مثلا ** حوار عن الأقســـام
الصناعات دا قسم كبير ** زبادي جبنة وجــــــــام
الكل فيه شغال بذمــــة ** وببعت لهم أحلى سلام
دكتور حامد رئيس القسم ** ودا راجل زين وهمـــــام
وقسم الأراضي ناسه أجلاء ** مواده أراضي آلات وفيزياء
ده بقى حاجة تانية ** قســـم كله ذكـــــاء
ضيف على كل الاقســام ** وكرامته فوق في السماء
دولا مستقبل مصر كمان ** استصلحوا بقى الصحراء
مصرنا بتعتمد عليهم ** في أزمة توفير المـاء
تحية مني للنــــــاس التمـــــام ** رجالة قسم الأراضي الشرفاء
أما قسم البساتيـــــن ** يعني الناس الرايقين
خضر وفاكهة وزينة ** حاجة كدا تسر العين
طلابه كلهم دحيحة ** ودولا عالم كويسين
تروح هناك تلاقي موز ** وبرتقال ويوسفي وتيــن
مافيش حد بيروح عندهم ** ويطلع في يوم حزيــــــن
أما قسم الانتاج الحيواني ** معلوماته كتير ومجنناني
كل حاجة فيه مهمـــــة ** ودراسته محيــــــراني
بالله عليـــــــــــــك ياللي داخله ** اوعى تاخدك المذاكرة وتنساني
كل ما أروح هنـــاك ** تيجي مناهجه شداني
دكتور أيمــــــــــــن رئيسه ** راجل تمام أخلاقه عاجباني
قسم أمراض النبات ** قسم كله معلومــات
حاجة صعبة ومعقــدة ** ودراسته كلها أزمات
أما طلابه الله في عونــهم ** كل شويه عليهم سمنارات
بس دكاترته تمام ع الاخر ** ناس فــــــــــــــل وشربات
وسع لوقاية النبــــات ** كيمياء تحليلة ومبيدات
يعني عايزين ناس شغالة ** وما بياخدوش الأمــــوات
يعني تذاكر تبقى كفاءة ** تهيس تبقى في أزمات
تعرف لو فيه يـــــــوم تنام ** هتكون حياتك كلها حموات
أما لو تذاكر فيه يا معلم ** هتلم بالغلق الدرجــــات
أصل مواده كدا حكـــــاية ** مبيدات وكيمياء وحشرات
ووسع للاقتصاد ** هو والارشـــــاد
الاتنين مع بعض يا واد ** على طول في اتحـــــاد
تروحه تاخـــد راحتك ** أصله ما فيهوش أعداد
تاخد فيه احصائيات وجداول ** هو دا الموجود في المــــــواد
مجتمع ريفي يعني تنمية ** وتوعية وتنشيط الأفــراد
الشعبة العامة ادمان ** أسمــــاك تمر ألبان
من كل فيلــــم أغنية ** ودا حالهم من زمان
كل الأقسام ضيوف عليهم ** أصحاب واجب كمــــــان
عندهـم كل حاجة ** ومن كل الألــوان
اشي حشرات اشي ارشاد ** كل اللي دخلها زهقــــــان
وعلى رأي المثل الشعبي ** طلع من دوخة لتوهــــان
وأعدادهم كتيرة جـدا ** والدخول فيه بالمجان
هي دي كليتي الغالية ** في دمنهور والبستان
وهي دي حكايتها أنشرها ** من السلوم لغاية أســـوان
تأليف
أبو حمزة السعيطي ( عوض أبوحكارة )